Беларусы Варшавы пікетавалі АБСЕ

16 ліпеня акцыю ў польскай сталіцы правёў “Звяз на карысць дэмакратыі ў Беларусі”. Нагодай стала паездка "неўязной" Лідзіі Ярмошынай у Вену.

Падчас акцыі пікетоўцам удалося паразмаўляць з прэс-сакратаром АБСЕ Томасам Раймерам. Праўда, спачатку да беларускіх актывістаў з будынку ніхто не хацеў выходзіць. Толькі пасля таго як прадстаўнікам АБСЕ паведамілі, што ў такім разе акцыя будзе праходзіць цэлы дзень, да пікетоўцаў выйшаў Раймер. Размова паміж ім і беларускімі актывістамі цягнулася каля 30 хвілінаў.

Сябры “Звязу на карысць дэмакратыі ў Беларусі” распавялі Раймеру пра сітуацыю ў Беларусі і перадалі зварот да АБСЕ. Міжнародную арганізацыю папрасілі больш ніколі не запрашаць у Еўрасаюз беларускіх чыноўнікаў, якім забаронены туды ўезд. Раймер паабяцаў перадаць патрабаванні пікетоўцаў свайму начальству.

Нагадаем, што 12 ліпеня старшыня Цэнтравыбаркаму Лідзія Ярмошына прыняла ўдзел у канферэнцыі АБСЕ “Дэмакратычныя выбары і назіранне за імі” ў Вене.

 

Еўрарадыё

 

Добавить комментарий

Ваш e-mail не будет опубликован. Обязательные поля помечены *