16 красавіка, у Дзень салідарнасці з Беларуссю, жыхары Варшавы прыйшлі да амбсады Расеі ў Польшчы, каб сказаць «не» падтрымцы дыктатуры ў Беларусі. Пратэстуючыя запалілі свечкі і трымалі ў руках партрэты зніклых у Беларусі лідэраў апазыцыі і журналіста. «Мы згодныя з тым, што запланаванаваны на ліпень 2006 года саміт «вялікай васьмёркі» не мусіць прайсці ў Санкт-Петярбургу, калі ў Беларусі не будзе спынены тэрор супраць грамадзянскай супольнасці, не будуць даследаваныя справы зніклых апанентаў рэжыма, пакуль не будуць вызваленыя ўсе беларускія палітвязні», — заявіў адзін з арганізатараў акцыі, старшыня «Звязу ў падтрымку дэмакратыі ў Беларусі» Антось Цялежнікаў.

Падчас акцыі з амбасады да пратэстуючых выйшаў мужчына, які не прадставіўся. Ён з цікаўнасцю спытаў, дзеля чаго сабраліся прысутныя, што за асобы на плакаце і «хто іх забіў», са «зразуменнем» паківаў галавою, і са словамі «удачы» зыйшоў на тэрыторыю амбасады.

Хартия-97