Чарговы Дзень салiдарнасцi з палiтычнымi вязнямi скончыўся ў Берасцi масавымi затрыманнямi моладзi. 16-га кастрычнiка актывiсты кампанii «За свабоду» зладзiлi ў Берасцi акцыю з нагоды Дня салiдарнасцi з ахвярамi беларускага рэжыму. Каля 25 чалавек сталi ланцугом на Кобрынскiм мосце з вялiкiмi лiтарамi на грудзi, утварыўшы жывы надпiс «Свабоду палiтвязням!». Нягледзячы на цёмны час (акцыя ладзiлася ў 18-30), заклiк добра чытаўся, што было зразумела па вiтальных гудках аўтамабiльных сiгналаў.

Праз 20 хвiлiн да удзельнiкаў пад`ехала патрульная машына з супрацоўнiкамi Маскоўскага РАУС, якiя прапанавалi маладым людзям разыйсцiся. Моладзь рушыла ў бок вулiцы МОПРа, дзе, запалiўшы свечкi, паспрабавала ўтварыць маўклiвае кола. Тады мiлiцыянты на чале з намеснiкам начальнiка ААПП Маскоўскага РАУС А.Тарасевiчам затрымалi 14 чалавек i даставiлi iх у апорны пункт аховы правапарадку. Астатнiя ўдзельнiкi акцыi разыйшлiся.

У «апорцы» з маладых людзей узялi тлумачэннi i правялi «прафiлактычныя гутаркi», якiя зводзiлiся да звычайных пагроз пра праблемы з вучобай.

Апошнiх удзельнiкаў акцыi выпусцiлi ў 22-00. Пратаколы аб адмiнiстрацыйным правапарушэннi не складалiся, таксама як i пратаколы затрымання. Свае паводзiны супрацоўнiкi мiлiцыi патлумачылi неабходнасцю высвятлення асобаў маладых актывiстаў.

Падаем няпоўны спiс мiлiцыянтаў, што ўдзельнiчалi ў затрыманнi:

Аляшчэня Сяргей Аляксандравiч,

Мiцковiч Аляксандр Яўгенавiч,

Тарасевiч Аляксандр Уладзiмiравiч,

Саланевiч Валерый Васiльевiч,

Сыч Радзiён Аляксеевiч.

Хартия-97