Як паведамлаяе Iнтэрнэт-супольнасьць «Трэці шлях», да салідарнасьці з ахвярамі палітычных рэпрэсіяў у Беларусі 16 сьнежня далучылася беларуская дыяспара Масквы.

Па традыцыі былі ўскладзеныя белыя і чырвоныя кветкі да помніку Янку Купалу, які загінуў у Маскве пры нявысьветленых абставінах і паводле некаторых вэрсіяў быў забіты савецкім КГБ. Па словах удзельнікаў, «кветкі Купалу — гэта кветкі ўсім тым, хто ахвяраваў сабой за свабоду беларускага народу. Катам не здушыць нашу волю, не сьцерці нашу памяць. Перамога будзе за намі!»