Акцыі салідарнасьці зь Беларусьсю 16 сьнежня
прайшлі ў Кракаве, Любліне, Сопаце, Познані, Уроцлаве, Лодзі,
Беластоку, Пултуску і Варшаве.
У Кракаве у суботу адбылося шэсьце салідарнасьці з беларускім
народам. Беларускія студэнты й іхныя польскія калегі прайшліся
па цэнтры гораду з беларускімі нацыянальнымі сьцягамі і
транспарантам “Свабоду палітвязням!”. Шэсьце скончылася
ля помніку Грунвальдзкай бітве, дзе моладзь запаліла сьвечкі
салідарнасьці. За некалькі дзён да гэтага Кракаве былі расклееныя
плакаты з інфармацыяй пра Дзень беларускай салідарнасьці,
а ў буйнейшай мясцовай газэце выйшаў матэрыял прысьвечаны
сытуацыі з правамі чалавека на Беларусі.
У Познані каля помніка паэту Адаму Міцкевічу адбыўся мітынг,
у якім акрамя беларускіх студэнтаў прынялі ўдзел каля 50
актывістаў польскіх Маладых Дэмакратаў і Незалежнага Студэнцкага
Прафсаюзу”. Людзі выказалі салідарнасьць з беларускімі палітвязнямі
і запалілі бел-чырвога-белыя сьвечкі.
Беласток 16 сьнежня практычна цалкам быў заклеены плакатамі
з інфармацыяй аб тым, што шэраг вышэйшых беларускіх службоўцаў
— сакратар Савета бяспекі Віктар Шэйман, міністр унутраных
спраў Уладзімір Навумаў, камандзір спецназа ўнутраных войскаў
Дзмітрый Паўлічэнка і былы міністр унутраных спраў Юрый
Сівакоў — падазраюцца міжнароднай супольнасьцю ў выкраданнях
і забойствах лідэраў апазіцыі і журналіста. Акцыя каліноўцаў
выклікала вялікі рэзананс сярод жыхароў Беластоку, а інтэрвію
з яе арганізатарамі было паказана па тэлевізіі.
У Лодзі беларускія студэнты-каліноўцы выйшлі ў цэнтр горада
з партрэтамі палітвязняў і зніклых палітыкаў, бел-чырвона-белымі
сьцягамі і расцяжкай “Салідарнасьць з Беларусьсю”.
У Пултуску 16 сьнежня беларускія студэнты правялі пэрфоманс,
прысьвечаны да Дню салідарнасьці. Маладыя людзі выйшлі на
цэнтральную плошчу ў масках Аляксандра Лукашэнкі і Уладзіміра
Пуціна. Беларускі народ увасабляла дзяўчына са звязанымі
вяроўкай рукамі.
У Сопаце ў суботу прайшоў адкрыты прагляд фільма пра акцыі
пратэсту у Беларусі ў сакавіку 2006 года, пасля прэзідэнцкіх
выбараў — “Урок беларускай мовы” вядомага польскага кінарэжысэра
Марэка Дэмбіньскага.
Фотавыстава, намёты, беларуская музыка, пэрформансы, віншаваньні
беларусаў з Новам годам, плэнэровы паказ фільмаў, ды канцэрт
гурту “Чырвоным па Белым” — так Варшава цягам усяго дня
16 сьнежня выказвала сваю салідарнасьць зь Беларусьсю.
Дзень Салідарнасьці ў Варшаве распачалося ўсё а 10-й гадзіне
раніцы фотавыставай, якая размясьцілася на намёце ў самым
цэнтры Варшавы. На фотаздымках можна было пабачыць, як беларуская
апазіцыя змагаецца за свабоду і праўду на вулічных акцыях,
пачынаючы ад 1996 года ды скончваючы сёлеташнімі выбарамі.
Выставу суправаджала беларуская музыка, забароненая на радзіме.
Па выходных y гістарычным цэнтры Варшаве — а менавіта там
адбывалася плэнэровая выстава здымкаў пра Беларусь — вельмі
шмат экскурсій і проста турыстаў з усяго сьвету, таму было
шмат жадаючых паглядзець выставу.
Напрыканцы па пляц завітаў гурт “Чырвоным па Белым” ды
засьпяваў некалькі сваіх песьняў, пасьля чаго былі запаленыя
зьнічкі ля партрэтаў зьніклых ды хвілінай маўчання узгаданыя
ўсе ахвяры рэжыму.
Прэс-служба МФ
На фото: День солидарности. Пултуск, 16 декабря
2006
|
