20 студзеня Беларускім Моладзевым Рухам Амерыкі быў праведзены пікет супраць антыбеларускай палітыкі Расеі і ў падтрымку дэмакрaтыі на Беларусі. Пікет ладзіўся каля расейскага кансуляту ў Ню-Йорку. У акцыі ўзялі ўдзел каля 20 сябраў БМРА зь Ню-Йорку, Ню-Джэрсі, Пэнсільваніі і штата Масачусэца. Пад час пікету быў зачытаны зварот Зянона Пазьняка да Беларускай моладзі, а таксама агучаны патрабаваньні да вызваленьня палітвязьняў.

Акцыя ладзілася сумесна і ў падтрымку Маладога Фронту і іх зьняволенага лідэра Зьмітра Дашкевіча. Адначасова на Беларусі былі праведзены шэраг акцыі пратэсту ў Салігорску, Слуцку, Любані, Старобіне і Старых Дарогах.

Да пачатку акцыі на месцы правядзеньня пікету бы заўважаны чалавек у цывільным. На нашу прапанову падтрымаць акцыю ен збянтэжыўся і зьнік. Пад час акцыі ён некалькі разоў праходзіў ля пікету і рабіў фотаздымкі. На прыканцы акцыі ен спыніўся на ганку расейскага кансуляту і пачаў здымаць мітынгуючых на відэа.

Жыхары Ню-Йорку што праходзілі міма выказвалі падтрымку і жадалі свабоды Беларусі.

www.belmov.org