Традыцыйнае студэнцкае свята JUWENALIA праходзіць гэтымі днямі ў польскім горадзе Катовіцы. У дзень беларускай салідарнасці, 16-га траўня, у рамках свята прайшоў вялікі канцэрт польскіх музычных калектываў. У мерапрыемстве ўзялі ўдзел і беларускія студэнты — удзельнікі праграмы імя Кастуся Каліноўскага. У выніку канцэрт прайшоў пад беларускімі бел-чырвона-белымі сцягамі.

— Пасля пачатку проста праходзіў канцэрт. Потым калі падняліся беларускія бел-чырвона-белыя сцягі, усю ўвагу прыцягнулі мы, — распавядае адзін з студэнтаў-каліноўцаў Андрэй Ваўчок.

У перапынках паміж песнямі музыкі выказвалі сваю салідарнасць з Беларуссю, вітаючы беларусаў словамі «Жыве Беларусь!». Нацыянальны беларускі сцяг быў узняты на сцэне.

Падчас канцэрту польскія студэнты скандавалі: «Салідарныя з Беларуссю!».

Хартыя`97