Сябры Палітрады Аб’яднаных дэмакратычных сілаў агучылі план святкавання 27 ліпеня ў Мінску Дня Незалежнасці.

Нагадаем, у 1990 годзе Вярхоўны савет БССР прыняў Дэкларацыю аб дзяржаўным суверэнітэце Беларусі. Святкаванне пачнецца з сустрэчы моладзі з дэпутатамі, якія тады прымалі гістарычны дакумент. Пасля будуць ускладзеныя кветкі да помніка Янку Купале.

А ў 18 гадзін 27 ліпеня на плошчы Бангалор пачнецца канцэрт з удзелам вядомых беларускіх рок-гуртоў. Паводле словаў арганізатараў, яго спецыфікай будзе тое, што ў якасці вядучых выступяць маладыя людзі, якія нарадзіліся пасля 27 ліпеня 1990 года.

Пра свой намер падтрымаць акцыю 27 ліпеня заявілі Партыя БНФ, Аб’яднаная грамадзянская партыя, Еўрапейская кааліцыя, Беларуская сацыял-дэмакратычная партыя (Грамада) і шэраг моладзевых арганізацый.

Хартыя`97