20 ліпеня лідэру Маладога Фронту Зьмітру Дашкевічу спаўняецца 26 год. 16 ліпеня ў Салігорску сябры Маладога Фронту правялі акцыю Салідарнасьці з зьняволеным палітыкам. Каля 30 чалавек утварылі на цэнтральнай плошчы ланцуг і трымалі ў рукох партрэты Зьмітра Дашкевіча.

Гэтым разам быў узьнят і нацыянальны бел-чырвона-белы сьцяг, пасьля чаго адбыўся інцыдэнт: супрацоўнікі міліцыі паспрабавалі затрымаць маладзёнаў, што трымалі ў рукох нацыянальнае палотнішча. Аднак, негледзячы на ўпартасьць міліцыянтаў, усё спробы скончыліся беспасьпяхова: моладзь спраўна бараніла сваіх і нацыяльную сымболіку.

Акцыі Салідарнасьці ў Салігорску ладзяцца на працягу двух гадоў. Моладзь штомесяц патрабуе ад уладаў вызваліць палітычных вязьняў, спыніць перасьлед маладзёвых арганізацыяў і выказвае падтрымку сваяк зьняволеных актывістаў.

Прэс-служба МФ