Акцыю салідарнасці правялі 16 жніўня актывісты грамадзянскай кампаніі «За Свабоду». Дзеянне адбывалася ў мікрараёне «Уручча» на вул.Русіянава. Блізу 100 чалавек сталі ўздоўж дарогі, трымаючы ў руках літары, з якіх складаліся лозунгі «14 кастрычніка – «Еўрапейскі марш»» і «Салідарнасць супраць абыякавасці».

Людзі, якія назіралі за акцыяй, рэагавалі станоўча, адусюль чуліся словы падтрымкі і ўхвалення. Кіроўцы машын, якія праязджалі побач, віталі хлопцаў светлавымі і гукавымі сігналамі.

Праз пяць хвілін удзельнікі акцыі разышліся.

Мэтай акцыі было інфармаваць людзей пра «Еўрапейскім маршы», які мае быць у кастрычніку, і чарговым разам нагадаць, што грамадства можа быць моцным, калі яно салідарнае, паведамілі ўдзельнікі акцыі.

Хартыя`97