16 сьнежня, у Дзень Салідарнасьці, актывісты менскага Маладога Фронту ўшанавалі памяць зьніклага экс-міністра ўнутраных справаў Юрыя Захаранкі. Яго партрэт, зьнічкі й кветкі былі ўскладзены ў цэнтры Менску каля помніку загінуўлых супрацоўнікаў МУС.

Удзельнік акцыі Аляксей Вяргейчык нагадаў прысутным сумную гісторыю зьнікненьня Юрыя Захаранкі і непакаранасьці злачынцаў. Таксама была агучана ініцыятыва па распачынаньню кампаніі па інфармаваньню пра сапраўдных міліцыянтаў, якім быў Юрый Захаранка, і ўшанаваньню іх.

"Мы ідзем да кожнага чалавека, каб распавесьці, хто мы ёсьць і адказаць на іх пытаньні! Мы ідзем, каб несьці асьвету і аб'яднаць наш народ! Няма падзелу на вашых й нашых, ёсьць толькі мы — беларусы! Захаранка — яскравы прыклад самааданага чалавека! Ён ёсьць прыклад для нас!" — пракаментаваў Аляксей.

Прэс-служба МФ