16 верасня беларусы адзначылі шостую гадавіну знікнення вядомага палітыка Віктара Ганчара і бізнесмена Анатоля Красоўскага, а таксама ўшанавалі памяць былога Міністра ўнутраных спраў Юрыя Захаранкі і журналіста Дзмітрыя Завадскага, якія таксама зніклі. На жаль, супрацоўнікі беларускіх спецслужбаў ужылі запалохванне і сілу супраць беларускіх грамадзян, якія прымалі ўдзел у мірнай дэманстрацыі ў цэнтры Мінска, прысвечанай гэтай гадавіне. Прынамсі адзін мірны дэманстрант быў так сур’ёзна збіты, што спатрэбілася шпіталізацыя.

Злучаныя Штаты заклікаюць беларускія ўлады паважаць права беларусаў на сходы і мірныя адкрытыя дэманстрацыі, без пагрозы ўжывання сілы з боку ўрадавых структур, у адпаведнасці з беларускай Канстытуцыяй і абавязацельствамі Беларусі як удзельніка Арганізацыі па бяспецы і супрацоўніцтве ў Еўропе і іншых міжнародных канвенцый.

Злучаныя Штаты выказваюць свае глыбокія спачуванні сем’ям і родным зніклых і зноў заклікаюць ўрад Беларусі правесці сур’ёзны, празрысты і аб’ектыўны дослед гэтых знікненняў і прыцягнуць да адказнасці вінаватых.

Аддзел інфармацыі, адукацыі і культуры Амбасады ЗША, Мінск, Беларусь