Народны паэт Беларусі Рыгор Барадулін выказаў падтрымку Дню беларускай салідарнасці 16 лістапада. «Калі пальцы рукі сціснуць у кулак, ён будзе значна мацнейшым. Тое ж самае і з людзьмі. Калі мы будзем разам, будзем згуртаванымі, салідарнымі, то з намі нічога немагчыма будзе зрабіць. Разам мы будзем непераможнымі. Таму я абавязкова запалю свечку 16 лістапада. Няхай гэта будзе першым крокам, каб скасаваць нашую раздробленасць», — сказаў Рыгор Барадулін.

Прадстаўнікі грамадзянскай супольнасьці Беларусі прапанавалі праводзіць Дні салідарнасьці з беларускімі палітзняволеннымі, зніклымі апазіцыянерамі, іх сем’ямі, незалежнымі журналістамі, з усімі, хто змагаецца за свабоду і дэмакратыю ў Беларусі, 16-га дня кожнага месяца. Першая такая акцыя прайшла ў кастрычніку, наступны Дзень салідарнасці — 16 лістапада. Беларусаў заклікалі 16 лістапада ў 20.00 на 15 хвілін выключыць святло і запаліць у вокнах свечы Свабоды.

Хартия-97