Сусьветны Банк заявіў, што ў Беларусі «самая складаная й цяжкая» падаткавая сыстэма ў сьвеце. Дасьледаваньні праводзіліся ў 155 краінах, зь якіх Беларусь заняла апошняе месца. Калі прадпрыемства, якое працуе ў Беларусі, заплоціць усе падаткі, то, паводле аўтараў, іхная сума перавысіць памер валавага прыбытку, склаўшы 121,8% ад яе. Прытым кампанія мусіць зрабіць цягам году 113 падаткавых выплатаў тром розным арганізацыям, затраціўшы на гэта 1188 гадзінаў. Сярэднія паказьнікі ў краінаў рэгіёну — 45 выплатаў агульнай сумай 50% ад валавага прыбытку, на якія сыходзіць 435 гадзінаў. «Высокія падаткі вядуць бізнэс у цень, што не спрыяе павелічэньню дзяржбюджэту» — зазначаюць спэцыялісты Сусьветнага банку.

БДГ