15-гадовага актывіста Кастуся Яўсеева затрымалі падчас традыцыйнай акцыі, прымеркаванай да Дня салідарнасьці. Ён разам зь іншымі актывістамі распаўсюджваў брашуру «Зьніклыя людзі ў Беларусі».

У Ленінскай управе ўнутраных спраў Магілёва актывіста пратрымалі больш за гадзіну. Цягам гэтага часу яму забаранялі адказваць на тэлефанаваньні.

Міліцыянты спраўдзілі ягоныя пашпартныя зьвесткі, а таксама правялі прафіляктычную гутарку, у часе якой маёр Паркоў прапанаваў Кастусю інфармаваць яго пра меркаваныя акцыі апазыцыі і іхных арганізатараў.

Радыё Свабода