Праваабарончы цэнтар «Вясна» атрымаў сёньня па пошце вялізнага жураўліка, якога вядомая праваабарончая арганізацыя Amnesty International накіравала міністру ўнутраных справаў Беларусі Ўладзімеру Навумаву.
Праваабаронца Валянцін Стэфановіч патлумачыў:
«У межах адмысловай кампаніі Amnesti Internjeshnl прапанавала па ўсім сьвеце рабіць папяровых жураўлікаў і дасылаць іх зьняволенаму Зьмітру Дашкевічу, а таксама службовым асобам у Беларусі.
Гэта вядомая ідэя, калі робіцца пэўная колькасьць жураўлікаў, то зьдзяйсьняецца пэўная мара. І гэтага вялікага жураўліка ўдзельнікі кампаніі хацелі даслаць міністру Навумаву, але ён адмовіўся яго прымаць. І пасылка не патрапіла праз мяжу.
Праваабаронцы даслалі яго нам. І мы будзем думаць як давесьці гэтага жураўліка і меркаваньні ўсіх людзей, якія рабілі гэтых жураўлікаў, да ведама міністэрства ўнутраных справаў. Аддадзім хутчэй за ўсё адрасату».
Алесь Дашчынскі
Радыё Свабода
Русский
English