Міліцыі бракуе аналітыкі для пошукаў Ірыны Кужэльнай

Супрацоўнікі міліцыі працягваюць пошукі Ірыны Кужэльнай, якая знікла у Лагойскім раёне. Адказваючы на пытанне ў чым прычына таго, што пошукавыя меры не прыносяць вынікі міністр унутраных спраў Уладзімір Навумаў заўважыў: «Магчыма нам бракуе аналітыкі».

— Супрацоўнікі міліцыі прафесійна працуюць у плане арганізацыі пошукавай аперацыі, але, магчыма, нашыя дзеянні задужа прамалінейныя. Больш глыбока да гэтага пытання мы падысці не можам. Я думаю, у гэтым інцыдэнту пытанні ляжаць у плоскасці сямейных адносінаў, — сказаў У.Навумаў.

Пошук вучаніцы 2-го класа Беларучскай школы (Лагойскі раён) І.Кужэльнай з першых дзён яе знікнення ажыццяўлялі сотні вайскоўцаў, супрацоўнікаў міліцыі, ляснічых, паляўнічых, слухачоў Акадэміі МУС, былі адпрацаваныя дачныя масівы ў Мінскай вобласці.

23 лістапада яна сышла са школы каля 13.00 і дадому не вярнулася.

Расследаванне дадзенай крымінальнага справы знаходзіцца на кантролі ў першага намесніка міністра — начальніка галоўнага ўпраўлення крымінальнай міліцыі МУС Аляксандр Шчурко.

У размове з карэспандэнтам «Інтэрфакса» намеснік кіравання крымінальнага вышуку міністэрства ўнутраных спраў Беларусі палкоўнік міліцыі Сяргей Шарыпа паведаміў, што група супрацоўнікаў крымінальнага вышуку вядзе пошук дзяўчынкі ва ўсіх абласных цэнтрах Беларусі, а таксама ў Мінску. Паводле яго, «цяпер разглядаецца некалькі версіяў знікненні непаўнагадовай, у тым ліку — сышла ў невядомым напрамку, стала ахвярай злачынства».

— За час пошуку зніклай 23 лістапада бягу года былі «адпрацаваныя» тысячы чалавек. Каля 10 чалавек былі правераныя на дэтэктары хлусні, — распавеў С.Шарыпа.

Па словах С.Шарыпа, «была правераная абсалютна ўся інфармацыя, якая паступала ў міліцыю, у тым ліку і ад экстрасэнсаў. Пакуль месцазнаходжанне І.Кужэльнай не ўсталявана, няма падазраваных па дадзенай справе». Намеснік начальнік крымінальнага вышуку расказаў, што «у бліжэйшы час псіхолагі-крыміналісты павінны скласці мадэль паводзінаў І.Кужэльнай. Можа быць, гэта прасуне расследаванне. Мы гатовыя выкарыстаць любую інфармацыю».

Радыё Рацыя