Сьледзтва працягнутае яшчэ на 3 месяцы, да 24-га сьнежня. Пра гэта праваабаронцу Алегу Воўчаку паведамілі з пракуратуры Менска. У лісьце з пракуратуры не ўдакладняецца, якія сьледчыя дзеяньні праводзяцца па гэтай справе.
Нагадаем, былы міністар ўнутраных справаў і адзін зь лідэраў апазыцыі Юры Захаранка зьнік ў траўні 1999 года. Шмат хто ў Беларусі і сьвеце мяркуюць, што яго скралі паводле палітычных прычынаў і, магчыма, забілі. Беларускія ўлады заяўляюць, што сьледзтва яшчэ не завершанае і прычыны выкраданьня Ю.Зхаранкі, як і ягоны лёс, невядомыя.
Алег Воўчак нагадаў, што ў кастрычніку адбудзецца паседжаньне працоўнай групы па прымусовых выкраданьнях ААН, на якім будзе прааналізавана дзейнасьць беларускіх ўладаў у пошуках Юрыя Захаранкі і іншых зьніклых беларускіх апазыцыянэраў. Праваабаронцы ўжо выказалі сваё меркаваньне на гэты конт. Алег Воўчак, ў прыватнасьці, лічыць, што беларускія ўлады “імітуюць сьледзтва”.
Алег Грузьдзіловіч
Радыё Свабода
Русский
English