Еўрапарламент падвергнуў рэзкай крытыцы грубыя парушэнні правоў чалавека, прымяненне катаванняў і «атмасферу страху», што ўсталявалася ў Беларусі.
У прынятай у чацвер, 10 сакавіка, рэзалюцыі па Беларусі прадстаўнікі Еўрапейскага парламента заклікаюць кампетэнтныя інстытуты ЕЗ і краін-партнёраў разгледзець пашырэнне абмежавальных мер супраць работнікаў пракуратуры, суддзяў і прадстаўнікоў КДБ, якія прымалі ўдзел у парушэннях правоў чалавека, у выпадку калі рэпрэсіі не будуць спыненыя .
Еўрапарламентарыі запатрабавалі ад Менска без прамаруджання пачаць расследаванне паведамленняў аб прымяненні катаванняў да палітвязняў. Прымяненне катаванняў з’яўляецца бесчалавечныя абыходжаннем, катэгарычна забароненым нормамі міжнароднага права і абсалютна недапушчальным ў еўрапейскай краіне. У дакуменце ўказваецца таксама на недапушчальнасць працягвання запалохванняў і прыгнёту апазіцыянераў і незалежных СМІ.
Рэзалюцыя асабліва вылучае справы Алеся Міхалевіча, былога кандыдата ў прэзідэнты, арыштаванага пасля акцыі пратэсту, якая рушыла за выбарамі, і вызваленага толькі пасля падпісання абяцання супрацоўнічаць з КДБ, і Наталлі Радзінай, рэдактаркі апазіцыйнага сайта charter97.org, якая была арыштаваная за арганізацыю і ўдзел у масавых пратэстах пасля выбараў. Яна таксама была вызваленая, але ёй не дазволена пакідаць ейны родны горад да заканчэння следства па яе справе.
«Алесь Міхалевіч, адзін з сямі кандыдатаў у прэзідэнты, затрыманых у дзень выбараў, быў вызвалены пры ўмове, што будзе супрацоўнічаць з КДБ. Палітык адмовіўся ад гэтага абавязацельства і на свой страх і рызыку выступіў з публічнай заявай, у якой распавёў аб цяжкіх умовах і розных метадах фізічных і псіхічных катаванняў, што прымяняюцца спецслужбамі ў адносінах да зняволеных.
Наталля Радзіна, рэдактарка ??навінавага сайта charter97.org, якая таксама была арыштаваная пасля выбараў і была нядаўна вызваленая пад падпіску аб нявыездзе, зрабіла публічную заяву, якой пацвердзіла абвінавачванні, вылучаныя Алесем Міхалевічам. Мы заяўляем аб сваёй поўнай падтрымцы намераў раскрыць праўду грамадскасці і гаварыць ад імя людзей, падвергнутых турэмнаму зняволенню і катаванням, пазбаўленых кантактаў са сваімі адвакатамі і сем’ямі», — гаворыцца ў рэзалюцыі.
Дэпутаты Еўрапарламента асуджаюць непавагу беларускіх уладаў да фундаментальных правоў на свабоду сходаў і выказвання, і заклікаюць да безумоўнага вызвалення ўсіх палітвязняў, асобна пратэстуючы супраць прысудаў да пазбаўлення волі прэс-сакратару кандыдата ў прэзідэнты Андрэя Саннікава Аляксандру Атрошчанкаву, дэмакратычным актывістам Васілю Парфянкову, Зміцеру Новіку, Аляксандру Малчанаву.
У рэзалюцыі таксама ўтрымліваецца заклік да Еўрапейскай радзе, Еўракамісіі, высокага прадстаўніка ЕЗ па пытаннях знешняй палітыкі і бяспекі, да ўсіх партнёраў Еўразвяза пашырыць абмежавальныя меры, якія будуць распаўсюджвацца на пракурораў, суддзяў і супрацоўнікаў КДБ, якія ўцягнутыя ў рэпрэсіі і маюць дачыненне да парушэнняў правоў чалавека ў Беларусі. Акрамя таго, Еўрапарламент лічыць, што Рада ЕЗ павінная разгледзець магчымасць увядзення кропкавых эканамічных санкцый у адносінах да дзяржаўных беларускіх прадпрыемстваў.
Еўрадэпутаты таксама нагадваюць, што пакуль беларускія ўлады не зробяць крокаў па паляпшэнні сітуацыі з правамі чалавека ў краіне, працэс збліжэння ЕЗ і Беларусі будзе прыпынены, у тым ліку і ў межах праграмы «Усходняе партнёрства». У той жа час, мяркуюць яны, ЕЗ павінен узмацніць падтрымку беларускай грамадзянскай супольнасці, у тым ліку праз спрашчэнне візавага рэжыму.
Хартыя´97
Русский
English